Sub la varmega suno de Tanzanio, en la pitoreska Aruŝo, preskaŭ okcent esperantistoj el diversaj anguloj de la mondo kolektiĝis de la 3a ĝis la 10a de aŭgusto 2024 por la Universala Kongreso de Esperanto (UK). La evento, vera ponto inter kulturoj, celis subteni la uzadon de Esperanto kiel lingvo de internacia amikeco kaj kompreno. En tiu kadro, tri membroj de la organizaĵo Adeam – Moses Byamungu, Alexandrine Omba, kaj la kunordiganto Arlain Kizeyidioko – sukcesis partopreni la kongreson danke al la subteno de UEA (Universala Esperanto-Asocio).
“**Esperantistoj kunvenis en Tanzanio: la Universala Kongreso 2024 kaj la Partopreno de Adeam**
Antaŭ la komenco de la kongreso, s-ro Arlain klopodis produkti informajn faldfoliojn por Adeam por disdoni ilin inter la ĉeestantoj kaj kreskigi konscion pri la agado de la asocio. Tamen, ĉi tiuj planoj renkontis malfacilaĵojn: nek en Kongo nek en la kongresejo eblis realigi la presadon, ĉar tiuj servoj ne estis planitaj de la organizantoj. Malgraŭ la manko de faldfolioj kaj limigita prelega tempo, la Adeam-membroj daŭre utiligis rektan komunikadon por prezenti la asocion, praktikante la tielnomatan “buŝon al orelo” inter esperantistoj.
Inter la diversaj kunsidoj, diskutoj kun s-ro Moses Byamungu el Norda Kivuo, kiu loĝas je pli ol du mil kilometroj for de Kinŝaso, reliefigis la bezonon por la jura statuso de Adeam. Kun oficialaj dokumentoj, membroj en diversaj partoj de la Demokratia Respubliko Kongo povus pli efike reprezenti la asocion en siaj lokaj agadoj. Tamen, kiel indikis s-ro Arlain, restas defioj rilate al financado, ĉar multaj membroj hezitas kontribui por kovri la bezonojn de la asocio.
Por mildigi ĉi tiun situacion, la organizo decidis starigi monatan kontribuon por ĉiu membro, kaj s-ro Arlain, kiu ricevas subtenon de Monda Helpo por sia trejnado en redaktado, estas nun respondeca pri la regula ĝisdatigo de kontribuoj, dume Emile Malanda ricevis la taskon mastrumadon de la retejo www.mondahelpo.org, kiu fakte estas promovita varbilo de Adeam